На 21^ви октомври, 2015 година, беше одржана втората посета поврзана со претходната мониторинг посета на канцеларијата на Твининг проектот на 22 септември, 2015 година од страна на претставниците МЖСПП, Одделението за ЕУ (г-ѓа Емилија Атанасовска, г-ѓа Елена Митровска и г-ѓа Македонка Трпеска). Тие беа примени од страна на Постојаниот твининг советник од македонска страна, г-дин Дарко Блинков и проектниот тим (Постојаниот твининг советник, г-дин César Seoánez, асистентот, г-ѓа Лидија Фајдига и преведувачот, г-ѓа Јасмина Никуљска).

За време на посетата беше извршена проверка дали сите документи кои треба да бидат во печатена форма се навистина испечатени и сочувани во проектната документација во канцеларијата, како што беше договорено на 22 септември, 2015 година, особено по една печатена копија од секој резултат којшто е веќе одобрен од страна на Надзорниот Комитет. Беше констатирано дека сите документи се испечатени и соодветно сочувани.

Исто така беше дискутирано и за последните случувања во рамките на проектот.