Во периодот 20-27 април 2015 година, полскиот експерт г-дин Adam Nadolski и холандскиот експерт г-дин Rob Kramers ги разгледаа постоечките документи, процедури, протоколи, прирачници, листи за проверка, обрасци, упатства, електронски алатки за приоритна поставеност на инспекциите и студии на случај. Земајќи ги предвид постоечките недостатоци, стандарди на проектот и повратните информации од страна на корисниците, беа дефинирани листи на упатства, листи за проверка, образци, процедури и други материјали кои треба да бидат изработени / подобрени во рамките на активностите 1.2, 1.3, 2.1, 2.2 и 3.1. Подготвениот извештај ќе ги опфати постоечките алатки во пишана и електронска форма кои им се достапни на инспекторите за животна средина, оценувајќи ги недостатоците и дефинирајќи ги листите на подобрени / нови алатки кои ќе се изработат во текот на наредните активности и доколку е соодветно и по завршената имплементација на проектот. Извештајот може да го симнете подолу.
Беше започнато со дефинирање на содржината на прирачникот за општа инспекција кој што ќе се обработува во активноста 1.2.
Дополнително, беше одржан состанок со ИТ експертите задолжени за развој на Системот за управување со процесот на работа во Државниот инспекторат за животна средина. Истиот беше оценет како корисен за координација на работата што се реализира од нивна страна, а од друга страна од твининг проектот, особено за прирачникот за инспекција.
Присуството на г-динот Kramers, кој воедно е Раководител на проектот од страна на холандскиот партнер, беше искористено за дискусии со Постојаниот твининг советник како и со Постојаниот твининг советник од македонската страна заради оптимизирање на календарот и содржината на некои активности во рамките на проектот и подготовка на финалната верзија на Првичниот извештај.
Документи: