Во периодот помеѓу 13^ти и 16^ти јуни, 2016 година, шпанските експерти, г-дин Lucas Blanes и г-дин Luis Suárez, во рамките на мисијата 2.1.10, реализираа обука наменета на градење на капацитетите на инспекторите во делот на земање на примероци и за оценување на извештаите од само-мониторирање на индустриските оператори, особено во областа на отпадот, почва/подземни води, бучава и миризба.

Обуката воедно беше искористена како можност да се овозможи дискусија и вмрежување помеѓу учесниците. За таа цел, во целната група беа вклучени не само инспектори на централно и на локално ниво, туку и пишувачи на дозволи, претставници на повеќе одделенија од Министерството за животна средина и просторно планирање, индустриските оператори и претставници на акредитирани лаборатории.

На 13^ти јуни, 2016 година, завршија последните подготовки за 3 дневната обука која беше реализирана наредните денови и да се прегледа и комплетира нацрт документот, упатство со кратки насоки и совети подготвен во рамките на мисијата 2.1.9, како и препораки базирани на претходна  пракса, за подобрување на различни аспекти поврзани со извештаите за земање примероци и само-мониторинг кои се однесуваат на контрола на еколошките перформанси на индустриските активности.

Три дневната обука се реализираше во Скопје структурирана според следниот редослед:  

• 14^ти јуни: Теоретска обука за мониторинг на отпад и земање на примероци.  Покрај тоа, за време на претпладневната сесија, претставници од МЖСПП специјализирани за отпад и хемикалии имаа 3 презентации поврзани со темите за управување со отпад и настани поврзани со контрола на опасен отпад и хемиски супстанции во Македонија. Во попладневната сесија, беше организирана посета на постројката за третман на ПХБ „Раде Кончар“, каде беа дадени објаснувања на лице место за начинот на деконтаминација на трансформатори со ПХБ.  
• 15^ти јуни: Теоретска обука за мониторинг на подземни води и земање на примероци. Исто така, од страна на државните инспектори за животна средина беше презентирана состојбата во Македонија за мониторинг на подземните води. 
• 16^ти јуни: Теоретска обука за бучава и за мониторинг на миризба и земање на примероци. Покрај тоа, претставници од лабараторијата за животна средина при МЖСПП дадоа објаснувања за состојбата која се однесува на мониторинг на загадување на почвата и миризба.Претставници од Град Скопје, ги презентираа своите искуства за мониторинг на бучава, а дополнителна презентација за контрола на нејонизирачка радијација во државата беше дадена од страна на претставник на Воено медицинскиот центар.

Воедно, на учесниците им беше промовирана македонската верзија на Водичот за отпад од EU IMPEL за контрола на транспорт на отпад.

Документи:

• Агенда на обуката.
• Мало упатство за соодветно земање на примероци и контрола на извештаите од само-набљудување од индустриските оператори (види материјали од мисиите 2.1.9 и 2.1.10 во рамките на активност 2.1)
• EU IMPEL Водич за отпад.
• Презентации и материјали подготвени од страна на шпанските експерти (39 MB).
• Презентацији и материјали подготвени од македонските експерти (77 MB).
• Дополнителни материјали:
  • Инструкции за земање примероци,функција на параметар кој треба да се мери.
  • Легислатива која се однесува на електромагнетни полиња во Шпанија.
  • Легислатива и пристап која се однесува на мирис во Шпанија.